Stjórn Icelandair Group ákvað í dag að Jón Karl Ólafsson, muni láta af starfi forstjóra Icelandair og Icelandair Group um áramót. Björgólfur Jóhannsson, stjórnarformaður Landssambands íslenskra útvegsmanna, verður ráðinn forstjóri Icelandair Group en um áramót verður ráðinn sérstakur forstjóri yfir Icelandair.
Jón Karl tók við starfi forstjóra Icelandair í júní árið 2005 og starfi forstjóra Icelandair Group við stofnun þess félags í október sama ár, en hóf upphaflega störf hjá Flugleiðum árið 1984.
Í Viðskiptablaðinu á morgun er rætt við Jón Karl og farið yfir forstjóraskiptin. Einnig er rætt við Gunnlaug Sigmundsson, formanns stjórnar Icelandair Group. Áskrifendur blaðsins geta þó nálgast blaðið nú þegar hér á VB.is en blaðið er birt á netinu kl. 21 daginn fyrir útgáfu.
