Færeyski bankinn Eik Bank hefur ákveðið að stöðva tímabundið viðskipti með hlutabréf félagsins í Kauphöll Íslands.
Þetta kemur fram í tilkynningu frá bankanum.
Samkvæmt henni eru viðskiptin stöðvuð vegna þess óstöðugleika sem ríkir á íslenska fjármálamarkaðinum.
Félagið er einnig skráð í kauphöllinni í Kaupmannahöfn en stöðvun viðskipta hér á landi hefur engin áhrif á viðskipti með bréf bankans þar.