Mest viðskipti voru með bréf HB Granda í Kauphöllinni í dag, en þau hækkuðu í verði um 1,92%. Vodafone hækkaði mest allra félaga, eða um 2,85%. Úrvalsvísitalan hækkaði um 0,06% í dag og hefur hækkað um samtals 20,52% frá áramótum.

Þrjú félög lækkuðu í verði í dag; Icelandair, TM og VÍS. VÍS lækkaði mest, eða um 1,19%. Samtals voru 75 viðskipti með hlutabréf í Kauphöllinni í dag og námu viðskiptin 1,1 milljarði króna.

Skuldabréfavísitala GAMMA lækkaði um 0,2% í dag í 5,9 milljarða. viðskiptum. Verðtryggði hluti vísitölunnar lækkaði um 0,2% í 0,8 milljarða viðskiptum og óverðtryggði hluti vísitölunnar lækkaði um 0,1% í 5,1 milljarða viðskiptum.