Sjóðstjórar tíu stærstu vogunarsjóða heims þénuðu 20,1 milljarða dollara á síðasta ári, sem er 50% aukning frá fyrra ári. Í íslenskum krónum nema heildarlaun forstjóranna 2.572 milljörðum íslenskra króna. Þetta kemur fram á lista Insitutional Investor yfir launahæstu vogunarsjóðsstjóranna.
Efstur á listanum er Israel Englander, forstjóri Millenium Management, en tekjur hans á síðasta ári námu 3,8 milljörðum dollara. Árslaun hans á síðasta ári meira en tvöfölduðust því frá árinu 2019 þegar þau voru rúmlega 1,5 milljarðar dollara. Englander skilaði fjárfestum Millenium 26% ávöxtun á síðasta ári.
Ávöxtun vogunarsjóða nam 11,7% að meðaltali árið 2020 en ef einungis er litið til vogunarsjóða topp tíu vogunarsjóðsstjóranna er meðalávöxtunin 43%, samkvæmt frétt Reuters . Af þeim var sjóðurinn Medallion hjá vogunarsjóðinum Renaissance Technologis hæstur með 76% ávöxtun.
Árslaun allra tíu vogunarsjóðsstjóranna voru yfir einum milljarði dollara á síðasta ári en árið 2019 voru þeir einungis átta sem náðu .
Bill Ackman komst á listann að þessu sinni en árslaun hans námu 1,4 milljarði dollara á síðasta ári. Vogunarsjóður hans, Pershing Square Capital Management, stórgræddi á skortsölu í byrjun heimsfaraldursins .
Topp 10 listinn yfir launahæstu vogunarsjóðsstjóranna er eftirfarandi:
- $3.800.000.000 - Israel Englander (Millenium Management)
- $2.600.000.000 - James Simons (Renaissance Technologies)
- $2.500.000.000 - Chase Coleman (Tiger Global Management)
- $1.800.000.000 - Kenneth Griffin (Citadel)
- $1.700.000.000 - Steve Cohen (Point72 Asset Management)
- $1.700.000.000 - David Tepper (Appaloosa Management)
- $1.600.000.000 - Phillippe Laffont (Coatue Management)
- $1.500.000.000 - O. Andreas Halvorsen (Viking Global Investors)
- $1.500.000.000 - Scott Shleifer (Tiger Global Management)
- $1.400.000.000 - Bill Ackman (Pershing Square Capital Management)
