*

mánudagur, 26. október 2020
Erlent 28. september 2020 15:01

Volkswagen veðjar á Kína

Volkswagen ætlar í samstarfi við þrjá kínverska bílaframleiðendur að leggja um 15 milljarða evra í þróun rafbíla í Kína.

Ritstjórn
Rafsportjeppinn ID.4 var nýlega kynntur til leiks af Volkswagen.
Aðsend mynd

Bílaframleiðandinn Volkswagen ætlar í samstarfi við þrjá kínverska bílaframleiðendur að leggja um 15 milljarða evra í þróun rafbíla á kínverska markaðnum, sem er stærsti bílamarkaður heims, á árunum 2020-2024. Reuters greinir frá.

Stefnir þýski bílaframleiðandinn ásamt kínversku félögunum þremur, FAW Group, SAIC Motor og JAC, á að koma fimmtán mismunandi tegundum af raf- og tengiltvinnbílum á umræddu tímabili.

Mun undirbúningur að framleiðslu fyrstu bílanna hefjast í næsta mánuði í tveimur verksmiðjum Volkswagen í Kína.

Stikkorð: Kína Volkswagen Kína