Kvikmyndin Vonarstræti í leikstjórn Baldvins Zophoníassonar, er nú orðin tekjuhæsta mynd landsins árið 2014. Kvikmyndin Secret Life of Walter Mitty er þó enn aðsóknamest, því dýrara er inn á íslenskar myndir í kvikmyndahúsum. Þessu greinir Morgunblaðið frá.
Tekjurnar af Vonarstræti eru nú orðnar um 54,9 milljónir króna, en tekjurnar af Secret Life of Walter Mitty voru um 41,8 milljónir. Alls hafa 37.584 manns lagt leið sína á Vonarstræti, en 37.944 manns sáu Secret Life of Walter Mitty.
Í þriðja sæti, bæði hvað varðar tekjur og áhorf er myndin Hobbit: Desolation of Smaug, sem 32.162 manns hafa séð, en tekjur af henni námu 40,8 milljónir.
Hér má sjá lítið brot úr Vonarstræti.