Bandaríski bankinn Wells Fargo þarf að greiða 190 milljónir dollara eða sem nemur 21 milljarði krónaí sekt. Þetta kemur fram í frétt á vef Reuters.
Starfsmenn bankans bjuggu til reikninga fyrir viðskiptavini sína án vitneskju þeirra. Þetta gerðu starfsmennirnir til þess að fá bónusa fyrir sína vinnu. Bandaríska fjármálaeftirlitið komst á snoðir um málið hefur hefur sektað Wells Fargo um 190 milljónir dollara, eins og áður sagði. Auk þess að stofna reikninga í nafni viðskiptavina en án vitneskju þeirra voru gefin út debetkort í þeirra nafni en án þess að þeir hafi nokkuð vitað um það.
Taka ábyrgð á brotinu
Haft er eftir forsvarsmönnum bankans í yfirlýsingu að þeir sjái innilega eftir gjörðum sínum og taki ábyrgð á þeim tilvikum þar sem að bankinn gaf út kort sem að viðskiptavinir vissu ekki af. Bankinn stofnaði um tvær milljónir reikninga á ólöglegan máta.
