*

laugardagur, 4. júlí 2020
Erlent 25. júní 2020 10:12

Wirecard óskar eftir gjaldþrotaskiptum

Þýska fyrirtækið hefur lagt inn umsókn um gjaldþrotaskipti, viku eftir að það tilkynnti um að 1,9 milljarðar evra hefðu týnst.

Ritstjórn
epa

Þýska fjártæknifyrirtækið Wirecard hefur sótt um gjaldþrotameðferð (e. insolvency proceedings) rúmri viku eftir að endurskoðendur fundu 1,9 milljarða evra holu í efnahagsreikningi félagsins

Fyrirtækið sagði fyrr í dag það hefði lagt inn umsókn til þess að hefja gjaldþrotaskipti í héraðsdómi í Munchen. Það vísaði í „yfirvofandi gjaldþrot og of mikla skuldsetningu“ fyrirtækisins. 

Lokað var fyrir viðskipti með hlutabréf Wirecard fyrir tilkynninguna, samkvæmt frétt WSJ. Gengi bréfanna hafa fallið um tæp 90% á einni viku og markaðsvirði fyrirtækisins hefur lækkað um rúmlega 12 milljarða evra. 

Markus Braun, fyrrum forstjóri Wirecard, var handtekinn fyrr í vikunni, vegna gruns um bókhaldssvik og markaðsmisnotkun

Stikkorð: Wirecard