*

fimmtudagur, 20. júní 2019
Innlent 27. apríl 2018 17:48

Wow að hefja Asíuflug

Skúli Mogensen vonast til að Wow air muni bjóða upp á flug til 14-15 áfangastaða í Asíu á næstu árum.

Ingvar Haraldsson
Skúli Mogensen, stofnandi og forstjóri Wow air, segir Ísland geti orðið Dúbaí norðursins á næstu árum.
Haraldur Guðjónsson

Wow air hyggst kynna flug til Asíu í næsta mánuði. Þetta kemur fram í viðtali við Skúla Mogensen, forstjóra og stofnanda Wow air, á ferðavefnum Airport Transport World. Wow air flýgur nú þegar til eins áfangastaðs í Asíu, Tel Aviv í Ísrael.

Skúli segist eiga von á því að mesti vöxtur Wow á næstu árum verði í Asíuflugi. Hann sér fyrir sér að Wow muni bjóða á næstu árum bjóða upp á flug til 14-15 áfangastaða í Asíu eða álíka marga og Wow býður nú upp á í Norður-Ameríku. „Það myndi gera Ísland að Dúbaí norðursins,“ segir Skúli.

Þá segist Skúli vel geta ímyndað sér að flugfloti Wow air, sem mun telja 24 flugvélar í árslok, gæti tvöfaldast á ný á næstu árum.

Skúli segir einnig vera til skoðunar hjá Wow að bæta við annarri flughöfn (e. hub) en á Íslandi, líkt og Skúli talaði um í Áramótum, tímariti Viðskiptablaðsins og Frjálsrar verslunar. Flugfélagið sé með umframafkastagetu á veturna sem gerir flugfélaginu mögulegt að bæta við flugferðum á erlendri grundu yfir vetrarmánuðina.

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is