Samkvæmt stundvísisútreikningum vefsíðunnar turisti.is er Wow air stundvísasta félagið á Keflavíkurflugvelli síðastliðna tvo mánuði eða allt frá því félagið tók yfir Iceland Express.
Á vefsíðunni kemur fram að rúmlega átta af hverjum tíu farþegaþotum fóru í loftið á réttum tíma á fyrri hluta janúar. Þær skiluðu sér hinsvegar ekki eins oft heim á auglýstum tíma.
Flugvél sem seinkar um korter eða minna telst vera á réttum tíma í fluggeiranum. Icelandair fór 448 ferðir í fyrrihluta janúarmánaðar og Wow air 69 ferðir. Þegar tekið hefur verið tillit til þess þá seinkaði þessum 517 ferðum Icelandair og WOW að jafnaði um fimm mínútur samkvæmt útreikningum Túrista.
