Ferðaskrifstofan Wow air mun í vetur hætta flugi til Kaupmannahafnar og þá verður aðeins flogið tvisvar í viku til Lundúna. Félagið mun aðeins nota eina flugvél í stað tveggja nú.
Frá þessu er greint á vefsíðunni Túristi.is en að sögn Baldurs Odds Baldurssonar, forstjóra Wow air, er ástæðan fyrir þessari minnkandi tíðni félagsins mikill samdráttur í ferðalögum yfir vetrarmánuðina.
Auk ferðanna til Lundúna verður boðið upp á tvö flug í viku til Berlínar í allan vetur og til Alicante fram í lok október. Yfir háveturinn verður vikulegt flug til Salzburg í Austurríki.
