Frá og með morgundeginum mun WOW air bjóða viðskiptavinum sínum upp á að fara hraðleið í öryggisleit á Keflavíkurflugvelli. Er þetta í fyrsta sinn í sögu Keflavíkurflugvallar sem þessi möguleiki er í boði samkvæmt fréttatilkynningu frá félaginu.
Fyrst um sinn verður þessi möguleiki í boði fyrir þá sem bóka WOW Biz pakkan en síðar mun hraðleitin standa öðrum farþegum til boða. Hraðleiðin er merkt sérstaklega í strikamerki brottfararspjaldsins sem skanna verður við sérstakt öryggishlið hraðleiðarinnar.
