Veitingastaðurinn XO hefur lokað stað sínum í JL húsinu við Hringbraut. Í tilkynningu á Facebook síðu veitingastaðarins er greint frá því að lokunin sé komin til vegna breytinga á rekstri í húsnæðinu. Veitingastaðurinn hafði verið í rekstri í umræddu húsnæði frá árinu 2015.

Í tilkynningunni segir einnig að starfsfólk XO muni nú einbeita sér að ört stækkandi veitingastað í Smáralind. Þá segir jafnframt að vonir standi til um að annar XO staður opni annars staðar á næstu mánuðum.