Á félagsmiðlinum Instagram auglýsa nú um milljón fyrirtæki, og hefur fjöldi auglýsinda fimmfaldast á síðastliðnu ári. Þetta kemur fram í umfjöllun Financial Times um málið.

Nú geta notendur Instagram komist í samband við fyrirtæki beint í gegnum Instagram, eins og sakir standa eru 8 milljón fyrirtæki skráð á félagsmiðilinn í heildina. Þar er nú hægt að versla, fá leiðbeiningar og spyrja fyrirtækin spurninga.

80% af 600 milljón notendum Instagram fylgja fyrirtækum og 120 milljónir hafa haft bein samskipti við fyrirtæki.