Noel Quinn, forstjóri breska bankans HSBC, stærsta banka Evrópu, hefur ákveðið að yfirstjórn bankans muni hér eftir ekki hafa sérskrifstofur, heldur munu stjórnendur þurfa að finna sér laus vinnupláss í opnu rými eins og aðrir starfsmenn.
Bankinn mun einnig bjóða starfsmönnum að vinna heima að hluta til, og forstjórinn sjálfur segist ekki ætla að mæta á skrifstofuna fimm daga vikunnar.
Hingað til hefur heil hæð höfuðstöðva HSBC í fjármálahverfinu í London farið undir skrifstofur æðstu stjórnenda, en henni verður breytt í fundaherbergi og rými til að taka við viðskiptavinum.
Ein af rökum Quinn fyrir breytingunni voru að stjórnendurnir verðu stórum hluta vinnutíma síns í vinnuferðum, á meðan skrifstofurnar stæðu auðar, en við það bætist svo aukin heimavinna í og eftir heimsfaraldurinn.
