Stjórnendur Íslandsbanka þurftu að sæta töluverðum skerðingum við kaup á hlutabréfum í bankanum eða við eina milljón. Þetta kemur fram í tilkynningu til kauphallarinnar .
Viðskiptablaðið hefur áður greint frá því að níföld umframeftirspurn var í nýafstöðnu útboði Íslandsbanka og því þurftu stærri fjárfestar að sæta miklum skerðingum. Til að mynda þurftu stærri einstaklingsfjárfestar sem lögðu fram tilboð í tilboðsbók B, yfir 75 milljónum króna, að sæta skerðingum niður í eina milljón króna .
Sjá einnig: Lífeyrissjóðir m eð fjórðung í útboðinu
Stjórnarmenn Íslandsbanka fóru ekki varhluta af þessum skerðingum en tilboð þeirra í frumútboðinu voru takmörkuð við um 12659 hluti á genginu 79 krónur. Því gátu þeir eingöngu keypt hlutabréf fyrir að hámarki 1.000.061 krónu.
Listi yfir stjórnarmenn og framkvæmdastjóra sem að fengu úthlutuð hlutabréf í bankanum fyrir um eina milljón króna.
- Birna Einarsdóttir, bankastjóri Íslandsbanka.
- Ásmundur Tryggvason, framkvæmdastjóri fyrirtækja og fjárfesta.
- Guðmundur Kristinn Birgisson, framkvæmdastjóri áhættustýringar
- Jón Guðni Ómarsson, fjármálastjóri
- Riaan Dreyer, framkvæmdastjóri upplýsingatæknisviðs
- Sigríður Hrefna Hrafnkelsdóttir, framkvæmdastjóri einstaklingssviðs
- Una Steinsdóttir, framkvæmdastjóri viðskiptabanka
- Heiðrún Emilía Jónsdóttir, varaformaður stjórnar
- Jökull H. Úlfsson, stjórnarmaður
- Árni Stefánsson, stjórnarmaður
- Frosti Ólafsson, stjórnarmaður
- Óskar Jósefsson, stjórnarmaður
