Samkeppniseftirlitið hefur birt ákvörðun þar sem yfirtaka íslenska ríkisins á Íslandsbanka er heimiluð en þó með skilyrðum sem aðilar hafa sæst á að fylgja.

Eftir yfirtöku Ríkissjóðs Íslands á hlut Glitnis hf. í Íslandsbanka hf. fer Bankasýsla ríkisins með allan eignarhlut í bankanum, jafnframt því sem Bankasýslan fer með 98,2% eignarhlut í Landsbankanum, 13% hlut í Arion banka, 49,5% hlut í Sparisjóði Austurlands.

Yfirtaka ríkissjóðs á Íslandsbanka leiðir til þess að 65-70% af innlánastarfsemi í landinu verður undir yfirráðum sama aðila, auk þess sem Íslandsbanki og Landsbankinn hafa saman mjög sterka stöðu á fleiri mikilvægðum undirmörkuðum fjármálaþjónustu. Samkeppniseftirlitið segir að yfirráð eins aðila yfir tveimur keppninautum með svo sterka stöðu sé að öllu jöfnu til þess fallin að raska samkeppni með alvarlegum hætti. Sameiginlegt eignarhald feli í sér hættu að starfsemi bankanna verði samræmd, beint eða óbeint, með skaðlegum hætti fyrir viðskiptavini og samfélagið.

Sjálfstæðir samkeppnisaðilar

Stjórnvöld hafa nú skuldbundið sig með sátt til að fylgja reglum og grípa til aðgerða til að tryggja að bankarnir verði reknir sem sjálfstæðir keppinautar. Viðskiptabankarnir tveir sem verða undir yfirráðum ríkisins hafa einnig skuldbundið sig til að fylgja skilyrðum sem stuðla að hinu sama.

Í sáttinni er meðal annars kveðið á um að bann við samráði taki að fullu og öllu leyti til samskipta Íslandsbankans og Landsbankans. Starfsmenn og stjórnarmenn bankanna geti því bakað sér refsiábygð með samskiptum sín á milli. Einnig er mælt fyrir um óhæði stjórnarmanna sem Bandasýslan kýs í stjórnir gagnvart öðrum keppninautum. Einnig á sérstaklega að líta til samkeppnishindranna í stjórnarháttum bankanna og mótun verklags innan Bankasýslu ríkisins sem á að koma í veg fyrir afskipti hennar eða öflun og/eða miðlun upplýsinga stuðli að samkeppnishamlandi samræmingu milli bankanna.

Einnig á að tryggja að eigendastefnan taki mið af ofangreinum aðgerðum sáttarinnar.