Athanasios Orphanides, fyrrverandi bankastjóri Seðlabanka Kýpur, segir að hinn pólitíski óstöðugleiki í Evrópu sé svo mikill að mistök væru að fara inn á evrusvæðið fyrir hvaða ríki sem væri, þar á meðal Ísland, í núverandi kringumstæðum.
Hann segir í viðtali við ViðskiptaMoggann að ef ekki finnist lausn á kerfisgöllum evrusvæðisins, þannig að ríkisstjórnir álfunnar geti unnið í sameiningu, þá sé það ekki neinum ríkjum í hag að taka upp evruna.
Orphanides telur setningu gjaldeyrishafta á Íslandi hafa verið viðeigandi á sínum tíma til að koma í veg fyrir enn stærra gengishrun krónunnar. Önnur staða hafi þó verið uppi á Kýpur þegar ströng höft voru sett þar í mars í fyrra. Orphanides segir það hafa verið alfarið pólitísk ákvörðun. Þetta var ónauðsynlegt frá efnahagslegum sjónarhóli.
