Heikki Kyostila er annar ríkasti Finninn og í 34. sæti yfir ríkustu Skandinavana.
Auður hans er metinn á 2 milljarða dollara eða um 270 milljarða króna, sem þýðir að hann er í 1.470 sæti á Forbest listanum yfir auðugasta fólk veraldar.
Kyostila stofnaði fyrirtækið Planmeca árið 1971 en það sérhæfir sig í framleiðslu á tannlækningatækjum og er stærst á því sviði í heiminum. Í fyrstu framleiddi fyrirtækið tannlæknastóla og skápa fyrir tannlækna en með árunum varð framleiðslan fjölbreyttari og aukin áhersla lögð á tæknihliðina eins og þrívíddar myndtækni og þess háttar. Höfuðstöðvar Planmeca eru í Helsinki og framleiðslan fer fram þar.
Um 98% af vörum fyrirtækisins eru fluttar út. Kyostila er stofnandi, eigandi og forseti Planmeca.
Heikki Kyostila
- 270 milljarðar króna
- 77 ára
- Eigandi Planmeca
- 2. ríkasti í Finnlandi
Nánar er fjallað um málið í tímariti Frjálsrar verslunar, sem kemur út fimmtudaginn 13. apríl. Þar er m.a. fjallað um ríkustu Íslendingana. Hægt er að kaupa eintak af blaðinu eða gerast áskrifandi hér.