Fyrir einu og hálfur ári, eða í maí í fyrra stóðu stýrivextir í 0,75% en þá hófst hækkunarferli og í dag standa vextirnir í 6% og hafa ekki verið hærri síðan árið 2010.

Þegar vextirnir voru lágir varð aðgengi að fjármagni greiðara og fjármagnið mjög ódýrt í sögulegu samhengi. Íbúðaverð hækkaði mikið á þessu tímabili. Hafa sumir skellt skuldinni á of brattar vaxtalækkanir Seðlabankans en aðrir hafa bent á íbúðaskort, að sveitarfélögin og þá sérstaklega Reykjavík, stærsta sveitarfélagið, hafi ekki staðið sig nægilega vel í íbúðauppbyggingu.

Þetta kemur fram í viðtali við Ásgeir Jónsson seðlabankastjóra í bók Frjálsrar verslunar 300 stærstu, en áskrifendur geta lesið viðtalið í heild hér.

Spurður hvort Seðlabankinn beri einhverja sök á mikilli hækkun íbúðaverðs svarar Ásgeir: „Vitaskuld gerðu vaxtalækkanir okkar fólki auðveldara fyrir að kaupa húsnæði og þá sérstaklega að fara af leigumarkaði yfir á eignamarkað. Það leiddi til hækkunar fasteignaverðs. Við sjáum þetta á því að leiguverð lækkaði og fasteignaverð hækkaði eftir að við lækkuðum vexti."