Rekstur sælgætisgerða gekk vel á árinu 2021 og virðast félögin ekki hafa orðið fyrir teljandi áhrifum af heimsfaraldrinum. Tekjur fimm stærstu sælgætisgerða landsins námu tæpum 7,3 milljörðum króna á síðasta ári og jukust um 10% á milli ára, úr 6,6 milljörðum árið á undan.

Nói Siríus stóð að baki rúmlega helmingi teknanna, eða 3,7 milljörðum, en var hins vegar með lægsta hagnaðarhlutfallið og hagnaðist um tæpar 62 milljónir. Þetta kemur fram í bókinni 300 stærstu, sem var að koma út og hægt er að kaupa hér. Áskrifendur geta nálgast efnið úr bókinni hér.