*

miðvikudagur, 19. júní 2019
Huginn og muninn
9. október 2017 10:03

Birgitta stefnir á ráðherrastól

Enginn skal ímynda sér að Birgitta Jónsdóttir sé hætt í stjórnmálum. Hún er þegar búin að tala við Katrínu um framhaldið.

Haraldur Guðjónsson

Fleiri eru þó farnir að huga að vistaskiptum heldur en Lilja Alfreðsdóttir. Þannig skyldi enginn ímynda sér að Birgitta Jónsdóttir sé hætt í íslenskum stjórnmálum, þó hún hafi ekki gefið kost á sér á framboðslista Pírata að þessu sinni. Píratar hafa nefnilega þá stefnu að sækja sér ráðherra utan þings og á þann frama stefnir Birgitta.

Píratar munu að líkindum fá 10- 12% atkvæða og sennilega um 8-10 þingmenn. Gangi skoðanakannanir eftir yrðu þeir og Samfylking ámóta stórir flokkar á þingi, nægilega stórir til þess að mynda þriggja flokka stjórn með Vinstri grænum undir stjórn Katrínar Jakobsdóttur.

Svo viss er Birgitta í sinni sök, að hún hefur nú þegar rætt við Katrínu um framhaldið og nefnt hvaða ráðuneyti sér hugnist helst. Að fenginni reynslu mun Birgitta samt láta vera að segja kjósendum aftur frá því að hún sé búin að mynda stjórn fyrir þá, löngu fyrir kosningar.

Fréttabréf
Vikulegt fréttabréf Viðskiptablaðsins þar sem greint er frá því helsta sem gerst hefur í íslensku og erlendu viðskiptalífi.
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is