Gengið hefur verið frá fríverslunarsamningi milli Íslands og Kína, sem felur m.a. í sér að tollar á ákveðnum vörum annaðhvort lækka töluvert eða eru felldir niður að öllu leyti. Þessu ber að fagna eins og öllu öðru sem minnkar hindranir í viðskiptum manna í millum.
Athyglisvert er að sjá líka hvaða vöruflokkar eru undanþegnir þessu frelsi öllu. Tollar á kartöflur og blómkál munu til dæmis standa óhreyfðir þegar samningurinn tekur gildi.
Kínverskir kartöflu og kálbændur geta varpað öndinni léttar í þeirri vissu að þeir munu ekki þurfa að kljást við samkeppni frá Íslandi. Íslensku bændurnir geta gert slíkt hið sama.
Huginn & Muninn birtist í Viðskiptablaðinu 13. febrúar 2014.
