*

sunnudagur, 21. júlí 2019
Huginn og muninn
11. júní 2016 11:09

Ragnheiður orðuð við Viðreisn

Ragnheiður Ríkharðsdóttir mun ekki gefa kost á sér í prófkjöri Sjálfstæðisflokksins fyrir næstu kosningar.

Haraldur Jónasson

Og meira af prófkjörsmálum. Ragnheiður Ríkharðsdóttir, þingflokksformaður Sjálfstæðisflokksins, tilkynnti um nýliðna helgi að hún hygðist ekki gefa kost á sér á ný. Það vakti þó athygli að hún tilkynnti ekki að hún væri hætt í stjórnmálum, enda hefur hún áður verið orðuð við framboðssæti á lista hins nýstofnaða stjórnmálaflokks, Viðreisnar.

Elín Hirst tilkynnti samdægurs að hún hygðist sækjast eftir sæti Ragnheiðar, sem er 2. sæti á lista flokksins í Suðvesturkjördæmi hvar Bjarni Benediktsson vermir oddvitasætið. Hrafnarnir hafa áður vakið máls á því að það er ekki mikil eftirspurn eftir Elínu Hirst hjá Sjálfstæðismönnum í Kraganum þannig að nú er leitað eftir „sterkri konu“ eins og það var orðað í eyru Hrafnanna nýlega, til að taka sæti Ragnheiðar.

Í því samhengi er mikið rætt um mögulega endurkomu Þorgerðar Katrínar Gunnarsdóttur, fv. ráðherra og varaformanns Sjálfstæðisflokksins, í stjórnmálin. Flestir hafa áttað sig á því að henni var ýtt af óþarflega mikilli hörku út úr stjórnmálunum og talið er að hún eigi mikið inni.

Fréttabréf
Vikulegt fréttabréf Viðskiptablaðsins þar sem greint er frá því helsta sem gerst hefur í íslensku og erlendu viðskiptalífi.