*

föstudagur, 28. janúar 2022
Huginn og muninn
11. desember 2021 08:55

Sigurður nokkur

Guðrún nokkur sagði augljóst að gleymst hefði að salta en Borghildur nokkur var því ekki sammála.

Sigurður nokkur íbúi í Laugarneshverfi.

Sigurður nokkur, íbúi í Laugarneshverfinu, segir að lífið í hverfinu sé einkar erfitt um þessar mundir þar sem stórt svell hafi myndast á gangstéttinni við ísbúðina í hverfinu. Fjörugar umræður spunnust um málið á fésbókarsíðu íbúa hverfisins.

Guðrún nokkur sagði augljóst að gleymst hefði að salta en Borghildur nokkur var því ekki sammála. Sagði hún að Leifur nokkur, sem búið hefur í hverfinu í þrjá áratugi, hefði alltaf passað upp á að salta. Unnsteinn nokkur, nágranni Leifs, skarst þá í leikinn og sagði nágranna sinn vera á Tenerife með Valdimari nokkrum og eiginkonu hans, sem hann sagðist ekki muna hvað heiti. Arnheiður nokkur blandaði sér þá í umræðurnar og sagði að eiginkonan héti Ólafía og hún hefði starfað hjá lífeyrissjóði nokkrum í árabil en mundi ekki hvaða. Sigurður sem hóf umræðurnar sagði að Ólafía hefði starfað hjá Birtu lífeyrissjóði eða LSR. Hann sagðist ætla að tékka á þessu og upplýsa íbúana sem fyrst.

Huginn og Muninn er skoðanadálkur sem birtist í Viðskiptablaðinu. Áskrifendur geta nálgast blaðið undir Tölublöð, aðrir geta skráð sig í áskrift hér.

Fréttabréf
Vikulegt fréttabréf Viðskiptablaðsins þar sem greint er frá því helsta sem gerst hefur í íslensku og erlendu viðskiptalífi.