Uppsetning sýningarinnar Sjávarútvegur 2016 / Iceland Fishing Expo 2016 er nú í fullum gangi í Laugardalshöll en sýningin verður opnuð á miðvikudag. Að sögn sýningarhaldara verða sýnendur yfir eitt hundrað talsins, bæði innlendir og erlendir. Sýningin verður í báðum sýningarsölum Laugardalshallarinnar og einnig á útisvæði.
Opnunarhóf fyrir boðsgesti sýningarinnar verður kl. 14:00 á miðvikudag og klukkustund síðar verður sýningin opnuð almenningi. Hún stendur til föstudags.
