Afkoma Áfengis- og tóbaksverslun ríkisins hefur versnað ár frá ári frá árinu 2016.
Undanskilin eru Covid árin tvö þegar Alma Möller og Viðir Reynisson, ásamt fleirum, læstu þjóðina inni vegna þess sem síðar reyndist vera kvefpest. Eina sem fólk hafði fyrir stafni var að drekka brennivín og horfa á Heima með Helga.
Afkoman í fyrra var svo slök að ríkisverslunin borgaði aðeins 250 milljónir í arð til ríkissjóðs. Ríkið fékk því 3,3% arð af þeim 7,5 milljörðum króna sem liggja í rekstrinum samkvæmt ársreikningi áfengisverslunarinnar. Verðbólga var 4,8% árið 2024 þannig að arðsemin var neikvæð.
Ekki er ósennilegt að ríkisverslunin verði rekin með tapi í ár. Ef kostnaður, utan vörunotkunar, þróast eins og þrjú árin þar á undan þá verður taprekstur ef salan minnkar um meira en 1,9%.
Eins og Óðinn fjallar um í skrifum sínum, og birtust í Viðskiptablaðinu sem kom út í gær, þá eru vísbendingar um að salan hafi minnkað meira.
Óðinn hvetur lesendur Viðskiptablaðsins og alla landsmenn um að kveðja ríkiseinokun á áfengi með fótunum og versla heldur við einkaaðila sem greiða 21% tekjuskatt í ríkissjóð, ef þeim vegnar vel.
Þessi einkafyrirtæki bjóða ódýrari verð, betri vörur, hraðari heimsendingu og svo margt fleira en það sem miklu skiptir er að fólk sem hefur ekki aldur til að kaupa áfengi getur ekki keypt af þeim, ólíkt ÁTVR sem selur börnum áfengi – og viðurkenna það í hverri ársskýrslunni á fætur annarri.
Umfjöllun Óðins birtist í Viðskiptablaðinu sem kom út í gær. Áskrifendur geta lesið pistilinn í fullri lengd hér.
Hér að neðan eru þær vefverslanir sem Óðinn man eftir í svipinn Ef að starfsmenn Fjölmiðlanefndar eru að lesa þá er þetta ekki á nokkurn hátt auglýsing og hvorki Myllusetur ehf. né Óðinn neitt greitt fyrir þetta. Nema kannski ánægjuna.
Veljum erlent, lifi frelsið!
Smáríkið
Sante
Heimkaup
mekka.is
Costco
Nýja vínbúðin
Veigar (Hagkaup)
Desma
Vín.is
Ölföng Akureyri
