Danska netverslunarfyrirtækið Boozt hafði 1.823 milljónir sænskra króna í tekjur á öðrum ársfjórðungi 2025, sem er 3% samdráttur frá sama tíma í fyrra.
Hagnaður fyrir afskriftir og fjármagnsliði nam 62 milljónum sænskra króna, eða 3,4% af tekjum, sem er lækkun frá 4,9% árið áður.
Forstjórinn Hermann Haraldsson sagði í samtali við fjárfesta að rekstrarumhverfið hefði verið krefjandi fyrri hluta ársins en að félagið væri nú komið á vöxt á ný.
„Við erum aftur komin í vöxt, þó að hann sé hóflegur,“ sagði hann og lagði áherslu á að birgðastaðan væri sterk.
Booztlet.com heldur áfram að vaxa
Samkvæmt Hermanni var sala fremur stöðug á fyrsta ársfjórðungi en dróst saman í apríl og náði lágmarki í maí.
Hann sagði maí hafa verið „mun veikari en við bjuggumst við“, en að í júní hefði orðið veruleg viðspyrna og sala aukist umtalsvert í flestum vöruflokkum.
Þessi viðsnúningur hafi aukið trú stjórnenda á sterkari kerfi seinni hluta ársins.
Booztlet.com, útsölusíða félagsins, jók tekjur sínar um 14% á fjórðungnum.
Hermann sagði vöxtinn vera beina afleiðingu af markvissri birgðahreinsun.
Tekjur aðalsíðunnar Boozt.com drógust hins vegar saman um 6% þar sem félagið hélt aftur af afsláttum til að verja virði vörumerkisins.
„Þetta hefur neikvæð áhrif til skamms tíma í erfiðu markaðsumhverfi en er rétta leiðin til að vernda langtímaheilsu vörumerkisins,“ segir Hermann.
Afkomuspá heldur
Frjálst sjóðstreymi félagsins meira en tvöfaldaðist frá sama tíma í fyrra og nam 186 milljónum sænskra króna.
Hermann sagði að sögðu birgðastjórnun hefði vegið þungt í þeirri aukningu, ásamt endurgreiðslu á ofgreiddum tollum í Noregi.
Boozt heldur áfram í afkomuspá sinni fyrir árið í heild, með væntingar um 0–6% tekjuvöxt og 4,5–5,5% EBIT-framlegð.
Nýtt viðmið hefur verið sett um að frjálst sjóðstreymi verði ekki undir 500 milljónum króna á árinu 2025.
