Fegurð er Glæpur ehf., félag strákasveitarinnar IceGuys, hagnaðist um 205 þúsund krónur í fyrra.
Tekjur félagsins námu 4,5 milljónum króna og rekstrargjöld voru 4,3 milljónir.
Félagið var stofnað sumarið 2023 en velti engu að síður 5,8 milljónum það árið en félagið tapaði 2,1 milljón króna.
Eignir félagsins voru bókfærðar á 140 þúsund krónur og var eigið fé neikvætt um 1,4 milljónir.
Sveitina skipa tónlistarmennirnir og bræðurnir Jón Jónsson og Friðik Dór ásamt Rúrik Gíslasyni, Aroni Can og Herra Hnetusmjör.
Við skráningu félagsins voru þeir jafnframt stofnendur hlutafélagsins en formaður stjórnar var Jón Jónsson.
Skráðir meðstjórnendur voru Rúrik Gíslason, Aron Can Gultekin og Árni Páll (Herra Hnetusmjör) sem fer jafnframt með framkvæmdastjórn og hefur prófkjörumboð ásamt Jóni.
Friðrik Dór varð að láta sér duga að vera í varastjórn.
