Félagið Ritstjórinn ehf., sem rekur vefmiðilinn ritstjori.is og er í eigu Snorra Mássonar þingmanns Miðflokksins, hagnaðist um 2,6 milljónir króna í fyrra.
Árið áður hafði félagið skilað tapi upp á 2,36 milljónir króna. Þetta er því viðsnúningur upp á nærri fimm milljónir króna á milli ára.
Rekstrartekjur félagsins námu 19,4 milljónum króna árið 2024 samanborið við einungis 1,66 milljónir króna árið 2023.
Þetta þýðir að tekjurnar jukust um um það bil 1.067% milli ára – eða rúmlega ellefufaldaðist frá 2023 til 2024.
Á móti jukust rekstrargjöld úr 4,0 milljónum króna árið 2023 í 16,4 milljónir króna í fyrra.
Efnahagsreikningur sýnir að félagið átti eignir upp á 1,93 milljónir króna í árslok 2024 samanborið við 1,04 milljónir króna í árslok 2023. Eigið fé nam 772 þúsund krónum í árslok 2024.
Skammtímaskuldir lækkuðu jafnframt úr 2,9 milljónum króna í 1,16 milljónir króna, sem skýrir að eigið fé félagsins fór úr neikvæðum 1,86 milljónum króna í jákvæðar 772 þúsund krónur í árslok.
Hlutafé er óbreytt milli ára, 500 þúsund krónur, en félagið á hvorki eignarhluti í sjálfu sér né hefur veitt lán til eigenda eða stjórnenda.
Í ársreikningi kemur fram að Ritstjórinn ehf. reki vefmiðilinn ritstjori.is og annist einnig fjölmiðla- og almannatengslaráðgjöf.
