Hlutabréfaverð Ísfélagsins hefur tekið við sér í ágústmánuði eftir töluverðar lækkanir undanfarna mánuði.
Daglokagengi Ísfélagsins var 120 krónur í dag sem er hækkun úr 107 krónum í lok júlí.
Gengi Ísfélagsins hefur því hækkað um 12,5% í mánuðinum. Hlutabréfaverð félagsins hækkaði um 3,5% í 134 milljón króna viðskiptum í dag.
Gengið er þó enn um 20% lægra en í ársbyrjun en tvöföldun veiðigjalda og loðnubrestur hefur haft áhrif á gengi sjávarútvegsfélaga á árinu.
Bráðabirgðaniðurstöður mælinga Hafrannsóknarstofnunar sýndu þó nýverið loðnu á mjög stóru svæði fyrir norðan land, sem ætti að vekja bjartsýni.
Gengishækkun Ísfélagsins, sem ítrekað hefur verið með mesta loðnukvótann, má rekja til vona um betri loðnuvertíð.
