Hlutabréfaverð málmleitarfélagsins Amaroq Minerals hækkaði um tæp 6% í um 210 milljón viðskiptum í dag.
Dagslokagengi félagsins var 108,5 krónur á hlut sem er enn rúmlega 40% lægra en í ársbyrjun.
Gullverð rauk upp á Asíumörkuðum í nótt og fór í hæsta gildi frá upphafi, í 3.508,70 dali á únzu, áður en það náði jafnvægi í um 3.497 dali.
Hækkunin tengist veikari dollara og væntingum um vaxtalækkun í Bandaríkjunum, auk aukinnar eftirspurnar eftir öruggum griðastöðum.
Samkvæmt Financial Times má rekja hækkunina til veikari dollara og væntingum um vaxtalækkun í Bandaríkjunum, auk aukinnar eftirspurnar fjárfesta eftir öruggum griðastöðum.
Í árshlutauppgjöri Amaroq sögðu stjórnendur að framleiðsluáætlun fyrir árið 2025 hefði verið lækkuð í 5.000 únsur af gulli.
Félagið hafði áður gefið út að stefnt yrði að gullframleiðslu á bilinu 5-20 þúsund únsa í ár. Áform eru því við lægra bilið en það sem félagið hafði áður gefið út.
Miðað við núverandi heimsmarkaðsverð á gulli og gengi dals eru 5 þúsund únsur af gulli um 2,15 milljarða króna virði.
Gengi Play lækkaði um tæp 7% í örviðskiptum en dagslokagengi flugfélagsins var 0,45 krónur á hlut.
Hlutabréfaverð Reita hækkaði um rúm 1% í 179 milljón króna viðskiptum og var dagslokagengi félagsins.
Úrvalsvísitalan hækkaði um 0,08% og var heildarvelta á markaði 2,6 milljarðar.
