Bandaríkin og Japan hafa náð samkomulagi um viðskiptasamning sem felur í sér að 15% tollur verður lagður á innfluttar vörur frá Japan til Bandaríkjanna. Donald Trump Bandaríkjaforseti tilkynnti þetta í færslu á samfélagsmiðlum í gærkvöldi.
Trump hafði nýlega hótað því að bandarísk stjórnvöld myndu leggja á 25% tolla á innfluttar vörur frá Japan.
Samkomulagið felur í sér að Japan mun fjárfesta fyrir 550 milljarða dollara í Bandaríkjunum, að því er segir í færslu Trumps. á Truth Social. Jafnframt sagði hann að Bandaríkin muni taka til sín 90% af hagnaði af fjárfestingunum, án þess að útskýra það nánar.
Bandaríkjaforsetinn sagði að Japan muni einnig opna fyrir aukin millilandaviðskipti á ýmsum sviðum og nefndi þar meðal annars bíla, vörubíla, hrísgrjón og aðrar landbúnaðarafurðir.
Forsvarsmaður samninganefndar Japana, Ryosei Akazawa, sagði einkum mikilvægt að fyrir Japan og bílaiðnað í landinu að tollar á bíla verði einnig lækkaðir niður í 15% frá núverandi 25%. tollum, samkvæmt frétt WSJ.
