Rakel Ásgeirsdóttir, forstöðumaður á skrifstofu bankastjóra Íslandsbanka, hefur í gegnum einkahlutafélag sitt Straumnes 401 ehf. keypt hlutabréf í bankanum fyrir samtals 25,1 milljón króna.
Samkvæmt tilkynningu til Kauphallar Íslands voru keyptir 200 þúsund hlutir í Íslandsbanka hf. þann 7. ágúst 2025 á genginu 125,50 krónur á hlut. Heildarvirði viðskiptanna nemur því 25.100.000 krónum.
Viðskiptin voru tilkynnt á grundvelli 19. greinar MAR-reglugerðarinnar, sem kveður á um að stjórnendur útgefanda og aðilar þeim nákomnir skuli upplýsa um viðskipti sín með fjármálagerninga í félaginu.
Gengi Íslandsbanka hefur hækkað um 0,80% í dag og stóð í 126,50 krónum við lokun markað í dag.
Á síðastliðnum mánuði hefur gengi bréfa bankans hækkað um 5,86% og um tæp 30% á síðastliðnum tólf mánuðum.
Heildarvelta með bréf bankans nam 550 milljónum króna í dag.
