Ríkharður Daðason, eigandi félagsins RD Invest og eiginmaður Eddu Hermannsdóttur, forstöðumanns Markaðs- og samskiptasviðs Íslandsbanka, hefur selt 300.281 hluti í Íslandsbanka.
Samkvæmt kauphallartilkynningu fór salan fram á genginu 122,5 krónur á hlut, og nam heildarvirði viðskiptanna því 36,8 milljónum króna.
Viðskiptin fóru fram í Kauphöll Íslands fyrir helgi. Söluverðið er því í samræmi við dagslokagengi Íslanbanka á föstudaginn.
Þetta er ekki í fyrsta sinn sem Ríkharður kemur við sögu í viðskiptum með bréf í Íslandsbanka.
Árið 2022 tók hann þátt í lokuðu útboði Bankasýslunnar þar sem hann keypti hlutabréf í bankanum fyrir um 27 milljónir króna.
Á þeim tíma keypti hann 230.657 hluti í bankanum en gengið í útboðinu var 117 krónur á hlut.
