*

þriðjudagur, 22. júní 2021
Innlent 17. júní 2020 12:21

SI gefa út tímarit um nýsköpun

Samtök iðnaðarins hafa gefið út nýtt tímarit um nýsköpun, aðalhagfræðingur SI segir þörf fyrir 60 þúsund ný störf til ársins 2050.

Ritstjórn
Samtök iðnaðarins hafa gefið út nýtt tímarit sem fjallar um nýsköpun.
Aðsend mynd

Samtök iðnaðarins hafa gefið út nýtt tímarit sem fjallar um nýsköpun. Í tímaritinu, sem er 128 blaðsíður, er skyggnst inn í ótal greinar íslensks iðnaðar og dregnar fram fjölbreyttar hliðar nýsköpunar. Horft er til frumkvöðla og stjórnenda í nýjum atvinnugreinum eins og líftækni, gagnaversiðnaði og tölvuleikjaiðnaði.

Einnig er rætt við þá sem stunda nýsköpun í rótgrónari iðnaði, líkt og matvælaiðnaði, áliðnaði og byggingariðnaði. Í tímaritinu kemur fram í grein aðalhagfræðings SI að fram til ársins 2050 þurfi að skapa 60 þúsund ný störf. 

Þá kemur fram sýn forseta Íslands og nýsköpunarráðherra á hvert mikilvægi nýsköpunar er fyrir Ísland, auk þess sem formaður SI og framkvæmdastjóri SI segja frá því hvers vegna samtökin leggja áherslu á nýsköpun og hvaða þýðingu það hefur að hvetja til sóknar á því sviði.

Ritstjóri tímaritsins er Margrét Kristín Sigurðardóttir.