Skyndileg hrókering Guðrúnar Hafsteinsdóttir, formanns Sjálfstæðisflokksins, á þingflokksformanni flokksins kom Tý á óvart. Það var að minnsta kosti ekki víðtækt ákall frá flokksmönnum um að Hildi Sverrisdóttur yrði skipt út sem þingflokksformanni, sem hefur verið ákveðin en sanngjörn í störfum sínum á þingi, greind og ber af sér góðan þokka.
Ekki síst kom það í ljós nú í sumar, þegar ríkisstjórnin var að þjösna hinu meingallaða veiðigjaldafrumvarpi í gegn, sem nú þegar er farið að hafa þau áhrif sem Hildur og þinglið hennar vöruðu mest við.