Árni Múli Jónasson, fyrrverandi formaður Íslandsdeildar Transparency International, er efstur á lista yfir laun samfélagsáhrifavalda og aðgerðarsinna landsins. Meðallaunatekjur hans á mánuði námu 1,9 milljónum króna á síðasta ári.
Í öðru sæti listans er Falasteen Abu Libdeh, eigandi Ráðs og gjaldkeri samtakanna Íslands-Palestínu. Hún var með rúmlega 1,8 milljónir króna í mánaðarlaun í fyrra.
Ásdís Virk Sigtryggsdóttir, gjaldkeri Solaris, situr í þriðja sætinu en mánaðartekjur hennar námu 1,5 milljónum króna í fyrra. Indriði H. Þorláksson, hagfræðingur, fyrrverandi ríkisskattstjóri og fyrrverandi stjórnarmaður Íslandsdeildar Transparency International, fylgdi fast á hæla Ásdísar með tæplega 1,5 milljónir í mánaðarlaun.
Björg Eva Erlendsdóttir, framkvæmdastjóri Landverndar, situr svo í fimmta sæti listans með rúmlega 1,3 milljónir króna í mánaðarlaun á síðasta ári.
Hægt er að kaupa Tekjublaðið hér. Að auki er blaðið til sölu í öllum helstu verslunum landsins.
Vegna útgáfu Tekjublaðsins er nauðsynlegt að árétta að um er að ræða útsvarsskyldar tekjur á árinu 2024 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og önnur aukastörf og hlunnindi vegna kaupréttarsamninga. Miðað er við útsvarsstofn samkvæmt álagningarskrá. Í tölunum eru ekki fjármagnstekjur, t.d. af vöxtum, arði eða sölu hlutabréfa. Hafa verður í huga að inni í tekjum getur verið einskiptisgreiðsla vegna úttektar á séreignasparnaði hjá lífeyrissjóði.
