Það sem af er ári hafa hlutabréf í örflöguframleiðandanum Nvidia hækkað um 50%. Hlutabréf félagsins leiða nær hækkanir í S&P 500 vísitölunni á hverjum degi en gengi Nvidia hefur nú hækkað um 232% síðastliðið ár.
Ben Reitzes hjá Melius Research segir í fjárfestabréfi að undirliggjandi ástæður fyrir þessu séu í raun einfaldar.
„Af hverju hefur gengi Nvidia hækkað á hverjum degi á þessu ári? Svarið er einfalt. Varan er enn góð,“ skrifaði Reitzes en The Wall Street Journal greinir frá.
Samkvæmt greiningu Melius Reasearch munu hlutabréf örflöguframleiðandans vera kringum 920 dalina eftir tvö ár en dagslokagengið í gær var 722 dalir.
„Fjárfestir spurði okkur árið 2007. Af hverju þarf ekki hver einasti einstaklingur Iphone? Nú er verið að spyrja okkur af hverju þarf ekki að hraða hverjum einasta vefþjóni? Svarið við því er já sem er ástæða þess að við sjáum fyrirtækið halda áfram að vaxa til 2030,“ skrifar Reitzes.
Tekjur Nvidia á þriðja ársfjórðungi námu 18.1 milljörðum dala sem samsvarar 2558 milljörðum íslenskra króna. Mun það vera vel yfir afkomuspá fyrirtækisins og 12% en félagið hækkaði jafnframt afkomuspá sína fyrir fjórða ársfjórðung í lok árs.
Gengi Nvidia hækkaði örlítið í viðskiptum gærdagsins en lækkaði um hálft prósent í utanþingsviðskiptum.
