Evrópski vogunarsjóðurinn Teleios Capital Partners, sem er einn stærsti hluthafi Marels með 3,3% hlut, segist í tilkynningu ætla að styðja fyrirhugað yfirtökutilboð JBT í allt hlutafé félagsins.
Vogunarsjóðurinn vakti mikla athygli hérlendis er Adam Epstein, meðstofnandi Teleoi Capital Partners, skrifaði harðort bréf til stjórnar Marel.
Sjóðurinn sagði þar að upphaflega tilboð JBT vera lúalegt yfirtökutilboð (e. low-ball offer) og kallaði Telois eftir því að stjórn Marels myndi ráðast í stefnumótandi endurskoðun á næsta ári til að meta alla mögulega valkosti, þar á meðal mögulega samruna eða sölu á fyrirtækinu.
Það er þó annar tónn í yfirlýsingu Adam Epstein í dag.
„Sem langtímahluthafi í meira en fimm ár, sendum við Marel bréf í nóvember til að koma á framfæri stuðningi okkar fyrir því að tilboð JBT yrði uppfært þar sem okkur fannst félagið vera eða nýta sér veikleika hjá yfirstjórn Marel,“ segir íKauphallartilkynningu Epstein í dag.
Að mati sjóðsins er hið uppfærða tilboð mun betra þar sem bæði er verðmat JBT á Marel hærra sem og að samningur sé meira sannfærandi að þeirra mati.
„Við trúum því að samningurinn sé öllum hluthöfum í hag meðal annars þeim sem ákveða að eiga bréf í hinu sameinaða félagi,“ segir í tilkynningunni.
Að lokum segir að Telois Capital hyggist samþykkja yfirtökutilboðið.