Forseti Argentínu, Javier Milei, tilkynnti samlöndum sínum á mánudagskvöld að rekstur ríkissjóðs hefði skilað afgangi í fyrsta sinn síðan 2008 á síðasta ársfjórðungi.
Afgangurinn nam 275 milljörðum argentínskra pesóa, eða um 44 milljörðum íslenskra króna, sem samsvarar um 0,2% af vergri landsframleiðslu Suður-ameríkuríkisins.
Milei, sem hefur hefur aðeins verið í embætti síðan í desember síðastliðnum, lýsti niðurstöðunni „sögulegu afreki á alþjóðavísu“ í samtali við ríkisfjölmiðilinn.
Þar benti hann á að einn höfuðandstæðingur hans í harðri kosningabaráttu fyrir forsetakosningarnar síðasta nóvember og fyrrverandi forseti, Cristina de Kirchner, hefði skilað afganginum 2008 á fyrsta ári sínu í embætti.
Hún stýrði ríkisrekstrinum sem forseti til ársins 2015 auk þess að gegna embætti varaforseta frá 2019 og þar til Milei og ríkisstjórn hans tóku við í desember.
