Hlutabréfaverð Deutsche Bank hefur lækkað um 6% í fyrstu viðskiptum í Þýskalandi en bankinn greindi frá mögulegum kostnaði vegna deilna sinna við hlutahafa Postbank um helgina.
Deutsche bank keypti Postbank í nokkrum skrefum sem hófust fyrir meira en áratug síðan en hluthafar Postbank vilja meina að þýski bankinn hafi beðið of lengi með að leggja fram skuldbindandi tilboð í hlutafé þeirra árið 2010 og á endanum fengið lægra verð í staðinn.
Dómstóll í Köln ákvað að taka málið fyrir á föstudaginn og sagði dómari kröfur hluthafa Postbank væru gildar en kröfur þeirra hljóða upp á 1,3 milljarða evra sem samsvarar um 210 milljörðum íslenskra króna.
Fari svo að Deutsche þurfi að greiða slíka upphæð auk vaxta til hluthafa Postbank mun það þurrka út allan hagnað bankans á fyrsta ársfjórðungi.
Gengi Deutsche hefur hækkað verulega í byrjun árs og lofaði bankinn að launa hluthöfum duglega á árinu en það virðist nú vera komið í hættu.
The Wall Street Journal greinir frá.
