Bankasamstæðan UBS hagnaðist um 1,8 milljarð dala á fyrsta ársfjórðungi þessa árs fjárfestum til mikillar gleði eftir að bankinn skilaði tapi á þriðja og fjórða ársfjórðungi í fyrra.
SamkvæmtThe Wall Street Journalvar hagnaður bankans um þrefalt meiri en spá greiningaraðila fyrir uppgjör sem gerðu ráð fyrir um 600 milljón dala hagnaði.
Í uppgjöri bankans segir þó að UBS búist við því að vaxtatekjur sem og tekjur af eignastýringardeild bankans muni dragast saman á öðrum ársfjórðungi, sér í lagi vegna lækkandi stýrivaxta í Sviss.
Hlutabréfaverð bankans rauk upp um 8% í fyrstu viðskiptum í Sviss í kjölfar uppgjörsins.