Hlutabréfaverð málmleitarfélagsins Amaroq hefur lækkað um 16% síðastliðna tvo mánuði.
Dagslokagengi félagsins náði sínu hæsta gildi 7. mars er það stóð í 150,5 krónum en dagslokagengið í dag var 127 krónur.
Verð á gulli hefur hækkað verulega í ár og fór úr úsnan í 2000 dali í sitt hæsta gildi í lok apríl þegar hún stóð 2390 dölum. Verð á gulli hefur dalað síðan þá og stendur únsan í 2324 dölum þegar þetta er skrifað.
Gengi Hampiðjunnar hefur einnig lækkað um 15% frá því að félagið náði sínu hæsta gildi í febrúar en gengi félagsins fór niður um 2% í tæplega 200 milljón króna viðskiptum í dag.
Hlutabréfaverð Skaga hækkaði um rúmt 1% í 115 milljón króna viðskiptum en Skagi var eina félagið á aðalmarkaði sem hækkaði um meira en 1%.
Heildarvelta á markaði nam 2,5 milljörðum og fór úrvalsvísitalan OMXI 15 niður um 0,35%.