Hlutabréfaverð líftæknifyrirtækisins Oculis, sem var skráð í Kauphöllina í lok apríl, lækkaði um 5% í viðskiptum dagsins.
Dagslokagengi Oculis var 1.670 krónur og hefur félagið því lækkað um rúmt 1% frá skráningunni í apríl eftir lækkanir síðustu þrjá viðskiptadaga.
Um 200 milljón króna velta var með bréf félagsins í dag.
Hlutabréfaverð í Íslandsbanka hækkaði mest af félögum á aðalmarkaði og er gengi bankans komið yfir 100 krónur að nýju. Dagslokagengi Íslandsbanka var 101 króna eftir 4% hækkun í viðskiptum dagsins.
Hlutabréfaverð Marels hækkaði einnig um rúm 3% í yfir hálfs milljarðs veltu og var dagslokagengið 482 krónur.
Gengi Marel er enn töluvert lægra en það sem JBT hyggst greiða fyrir hluti félagsins en miðað við núverandi gengi krónu og evru hljóðar upp á 541 krónu á hlut ef hluthafar vilja fá greitt í reiðufé.
Úrvalsvísitalan OMXI 15 hækkaði um 1,12% og var heildarvelta á markaði 2,1 milljarður.
