Staðgreiðsluskyld launasumma hækkaði um 3,3% í marsmánuði í samanburði við febrúarmánuð.
Samkvæmt Hagstofu Íslands var breyting á milli ára mismikil eftir atvinnugreinum.
Launasumma var um 162,4 milljarðar króna, fjöldi einstaklinga var um 205.600 og fjöldi launagreiðanda um 21.200. Vakin er athygli á því að greiðslur eru ekki verðlagsleiðréttar.
Alls voru um 214.600 einstaklingar starfandi á íslenskum vinnumarkaði í mars 2024 samkvæmt skrám. Starfandi einstaklingum fjölgaði um tæplega 4.900 á milli ára sem samsvarar 2,3% fjölgun. Fjöldi starfandi kvenna í mars var um 100.300 og fjöldi starfandi karla um 114.200.
