Fasteignafélagið Eik og Hagar leiddu lækkanir í Kauphöllinni í dag en gengi Eikar lækkaði um 3,28% í 24 milljón króna viðskiptum á meðan Hagar lækkuðu um 2,10% í 62 milljón króna viðskiptum.
Aðeins þrjú skráð félög hækkuðu á aðalmarkaði en Fjárfestingafélagið Skel hækkaði um 0,72% í 7 milljón króna viðskiptum á meðan Icelandic Seafood hækkaði um 0,83% í 927 þúsund króna viðskiptum. Þá hækkaði Ölgerðin um 0,39% í 26 milljón króna viðskiptum.
Úrvalsvísitalan lækkar um tæpt prósent
Alls lækkuðu 18 félög á aðalmarkaði í dag. Icelandair fór niður um 2% í 163 milljón króna viðskiptum, Síminn fór niður um 1,92% í 16 milljón króna viðskiptum, Arion lækkaði um 1,57% í 55 milljón króna viðskiptum á meðan Íslandsbanki lækkaði um 1,26% í 81 milljón króna viðskiptum.
Play lækkaði um 1,54% í 20 milljón króna viðskiptum á First North markaðnum.
VÍS lækkaði um 1,55% í 76 milljón króna viðskiptum en félagið greindi frá því í dag að áætlað samsett hlutfall fyrir árið hefði hækkað eftir brunann í Hafnarfirði. Samsett hlutfall ársins verður líklegast á bilinu 98-100% .
Þegar vátryggingarstarfsemi er skoðuð er helst litið á samsett hlutfall, en það segir til um tjóna- og rekstrarkostnað tryggingarfélaga í hlutfalli við iðgjöld, en félög reyna að halda hlutfallinu undir 100% svo tryggingastarfsemin standi undir
Heildarvelta á markaði var 1,2 milljarður króna og lækkaði úrvalsvísitalan OMXI 10 um 0,96%.
