Greiningardeild Morgan Stanley segir að næstu verðbólgutölur vestanhafs vera lykilmælikvarða á gengi hlutabréfa á þessu ári.
Von er á nýjum verðbólgutölum 15. maí en vinnumálaráðuneytið birti nýjar tölur um ráðningar vestanhafs á föstudaginn sem sýndu töluverðan kulnun í hagkerfinu.
Samkvæmt greiningu bankans, sem Bloomberg greinir frá, eru sumir fjárfestar sannfærðir um að vegna kólnandi hagkerfis verði að næsta vaxtalækkun septembermánuði.
Bankinn segir hins vegar að verðbólgutölurnar í næstu viku muni ráða för í peningamálstefnu bankans.
„Viðbrögð markaðarins við næstu verðbólgutölum verða mikilvægari en tölurnar sjálfar,“ skrifar Michael Wilson aðalhöfundur skýrslunnar.
S&P 500 vísitalan hefur verið á uppleið síðustu vikur en markaðsaðilar halda enn í vonina um að vextir verði lækkaðir samhliða því að fyrirtæki hafa verið að skila ágætis afkomu á fyrsta ársfjórðungi.
Að mati Wilson er mjúk lending, þar sem verðbólga hjaðnar á efnahagssamdráttar, enn möguleiki fyrir Bandaríkin en þó ólíklegri en í byrjun árs.
