Þolinmæði eigenda úkraínskra ríkisskuldabréfa virðist vera á þrotum en samkvæmt The Wall Street Journal vilja skuldabréfaeigendur að ríkið byrji að greiða af skuldum sínum með vöxtum að nýju.
Samkomulag náðist milli skuldabréfaeigenda og ríkisstjórn Úkraínu eftir innrás Rússa um að fresta vaxtagreiðslum af bréfunum en hljóðið hefur breyst í skuldabréfaeigendum þótt stríðið sé enn í gangi.
Samkvæmt WSJ eru erlendir skuldabréfaeigendur eins og BlackRock og PimCo byrjaðir að þrýsta á ríkisstjórnina að byrja að greiða vexti af skuldinni í byrjun næsta árs.
Heimildir WSJ herma að hópurinn eigi um fimmtung af 20 milljarða dala skuld Úkraínumanna. Lögmenn frá Weil Gotshal & Manges munu fljúga til Kíev fyrir hönd hópsins og reyna ná samkomulagi um málið.