Verg landsframleiðsla í Bretlandi jókst um 0,6% á fyrsta fjórðungi þessa árs samkvæmt bresku hagstofunni sem er mun meiri vöxtur en spár gerðu ráð fyrir.
Í Viðskiptablaði The Guardian í morgun er greint frá því að aukin eftirspurn í þjónustu og meiri framleiðsla iðnfyrirtækja séu ástæða þess að landsframleiðsla tók við sér í byrjun árs.
„Bretland er að kveðja efnahagskreppuna snögglega með sínum öflugasta fjórðungi síðan 2021,“ segir James Smith greiningaraðila hjá Resolution Foundation í samtali við The Guardian.
Hins vegar benda allar hreyfingar á peningamörkuðum á að líkurnar á vaxtalækkun í júní séu að minnka en samkvæmt Guardian eru um 48% líkur á að meginvextir bankans verði lækkaðir í 5% og 52% líkur á að vextir verði óbreyttir í 5,25%.
Í gær voru um 55% líkur á óbreyttum vöxtum í júnímánuði.
